Beste urte batez, Arrasate Hiria Akordeoi Txapelketan izan dira 'Hernani' Musika Eskola publikoko ikasleak, eta oraingo honetan ere, emaitza onak ekarri dituzte handik.
Ensanble instrumentalak, urrezkoa
Ensanble instrumentala osatzen duten bederatzi taldekideek urrezko domina jaso zuten; eta horrekin batera, 250 euroko saria eta bukaerako galan jotzeko aukera ere bai. Horiek dira, hain zuzen, Ainhoa Azabal, Maialen Azurmendi, Nagore Bengoetxea, Jokin Berzosa, Miren Del Castillo, Elene Lopez, Nora Lopez, Intza Otamendi eta Ibai Rodriguez.
Beste 18 domina ere bai
A hastapena mailan, 10 urte artekoek bederatzi domina eskuratu zituzten: urrezko domina Ainhoa Garinek; eta zilarrezkoa, aldiz, Oliver Cabrerak, Izar Del Valle de Lersundik, Uxue Duranek, Ximon Garinek, Maddi Olaizolak, Euken Williamsek, Eñaut Zabalegik eta Axel Zabalegik. A mailan, Oliver Cabrerak eta Ainhoa Garinek urrezko domina lortu zuten; eta zilarrezkoarekin bueltatu ziren etxera beste bi: Eñaut Zabalegi eta Axel Zabalegi.
B hastapenean, 12 urte artekoen artean, bi zilar lortu zituzten, Irati Ormaetxearena eta Zara Zainyevarena. B mailan ere, zilarrezko domina jaso zuen Ane De Los Riosek.
Bukatzeko, 15 urte bitartekoen artean, C hastapena mailan, Enara Gonzalezek urrezko domina irabazi zuen, eta Miren Rodriguezek, aldiz, zilarrezko domina jantzi zuen bertan.