Argazkilaritza, parkour eta sormen tailerrak aukeran gazteek, bihar arte

Neguko oporraldietarako lau ikastaro antolatu ditu Gazteria Sailak: Argigrama argazkilaritza lantegia, Nagore Legarretarekin, abenduaren 23an, 16:00etatik 18:00etara edo 18:00etatik 20:00etara; mugikorreko irudi digitaletatik kopia analogikoak egitekoa, Legarretarekin baita ere, urtarrilaren 4an, 09:30etatik 11:30etara edo 11:30etatik 13:30etara; sormen tailerra Uxue Bereziartuarekin, abenduaren 26, 27, 28 eta 30ean, 11:00etatik 13:00etara; eta parkour ikastaroa, abenduaren 23, 26 eta 27an, Raul Mihairekin, 11:00etatik 12:30etara. Denetan izena emateko epea bihar bukatuko da, kiroldegian edo Gaztelekuan.