Aurten Gabonetako zuhaitzean Kaxkoko dendak omendu nahi izan dituzte liburutegian. Espazio faltagatik, Andre Kale eta Kale Nagusiko denda batzuk bakarrik sartu ahal izan dituzten arren, helburua Hernaniko komertzio guztien lana goraipatzea da, garai zail hauetan.
Gainera, iaz bezala, zuhaitzean agertzen diren argazkiekin lehiaketa bat ere antolatu dute, zazpi galdera prestatuz.
60 euroko bono bana
Liburutegian ikusi daiteke zuhaitza eta lehiaketan parte hartu. Galdera guztiak ongi asmatzen dituztenen artean zozketa egingo da.
Hiru sari daude guztira, 60 euroko bono bana, Elkar (Hernani), Gaueko eta Sebas dendetan erabiltzeko.