Kontrakantxa Gaztetxearen urteurren ospakizunetan egun potoloenak gaur eta bihar izango dira. Gaur, 19:00etan, okupazioa eta etxebizitza problematikaren inguruko hitzaldia emango du Gasteizko Etxebizitza Sindikatuak, eta ondoren, 21:00etan, jantoki soziala irekiko da, nahi duen guztiarentzat. Bukatzeko, 22:30etan kontzertua emango du Errokak, Kokonauta eta R.K. Marik lagunduta. Bihar berriz, eguerditik hasiko dira martxan.