Kiroldegiak «zerbitzua hobetzeko bidean hainbat pauso eman» dituela jakinarazi du, eta «gimnasioko entrenamenduak hobetzeko martxan jarriko duen egitasmo berria» aurkeztu nahi izan du. Horrela, bi saio formatibo eta praktiko antolatu ditu, gimnasioan dagoen materialari errendimendu hobea atera eta ariketak egoki egiten ikasteko.
Aurreneko saioak bihar emango dira, 10:30etan bat, eta 18:00etan bestea, ariketa kardiobaskularra lantzeko makinen inguruan. Bigarrenak, berriz, abenduaren 18an, ordu berdinetan, baina bizkarra lantzeko makinen bueltan.
Era berean, gogorarazi dute iradokizunak egiteko kaxa badagoela, sarreran.