Barrenetxea sailkatu egin da finalerdietara

Binakako Txapelketaren fina­ler­dian egongo da aurten, Barre­netxea IV hernaniarra. Aurtengo txapelketak egitura berria izan du, eta orain arte elkarrekin egon diren bikoteak, banandu egingo dira: finalerdietara hiru aurrelari onenak eta hiru atze­lari onenak sailkatu dira. Eta sailkapen horren ara­bera osa­­tu­ko dira bikoteak; lehendabiziko aurrelaria hirugarren atzelaria­rekin, bigarrenak elkarrekin, eta hirugarren aurrelaria lehe­nengo atzelariarekin.
Barrenetxeak sailkapen ho­rre­tan bigarren amaitu du, 27 punturekin. Azpiroz izan da aurrena 28rekin, eta Larrañagak azken jardunaldian ezustekoa eman eta 20 punturekin hiru­garren sailkatu da, Endika kan­poan utziz, 19rekin. Ionek itxi du sailkapena, 15 punturekin. 
Aurrelarietan, Uterga izan da aurrena 30 punturekin, Urriza bigarren 24rekin, eta hirugarren posturako berdinketa egon da, Matxin III eta Juanenearen arte­an, 20na punturekin. Hala ere, tanto eta akatsen arteko batuketan aurretik geratu da Matxin, eta bera izango da au­rrera jarraituko duena. Juane­nea eta Ansa II kanpoan geratu dira; urnietarrak 15 puntu batu ditu.
Sailkapen horrekin, fina­ler­dietako bikoteak honela geratu dira. Uterga eta Larrañaga elkarrekin ariko dira hemendik aurrera; Urriza eta Barrenetxea da bigarren bikotea; eta Matxin III eta Azpirozek osatuko dute hirugarren bikotea.
Orain, finalerdietako ligaxka hasiko da. Ostegunean jokatuko dute Uterga eta Larrañagak, Urri­za eta Barrenetxea IVaren aurka. Irabazleek Matxin III eta Azpiroz izango dituzte aurrez aurre, bigarren jardunaldian, larunbat honetan. 

40-18ko emaitzak aldatu zuen sailkapena, azkeneko jardunaldian
Joan den larunbatean, ligaxkako azkene­ko jardunaldian, Juane­neak eta Barrenetxeak 40-18 garaitu zituzten Matxin III eta Endika, eta emaitza horrek han­kaz gora jarri zuen sailkapena. Endika izan zen kaltetu na­gu­sia, eta Larrañagak eta Urrizak Ansa eta Ionen aurka 40-34 iraba­zita, atzelari azkoitiarra izan zen hirugarren atzelari sailkatua, ezustean sal­diastarra kanpoan utziz. Endikak zeukan sei pun­turen aldea, ez zen na­hi­koa izan, kirolean edozer ger­tatu dai­tekeela erakutsiz.