Urtea bukatu aurretik antolatutako azken ekitaldia izango da gaurkoa, Langile ikastolaren 50garren urteurreneko egitarauaren barruan. Urte berria hasi bezala ekingo diote berriro.
Gaurkoan, Jara Loira, Madrilgo Centro Bosquescuela Cerceda zentroko pedagogia zuzendaria izango da Biteri kultur etxean, arratsaldeko 18:00etan hasita, hitzaldia ematen. Edonori irekia izango da, eta gaztelaniaz egingo da.
Seme-alabekin komunikatzeko gakoei buruz
Hainbat gai landuko ditu gaur Loirak, seme-alabekin modu asertiboago eta enpatikoago batean komunikatzearen inguruan. Hainbat gako emango ditu; besteak beste, sentimendu eta beharrekin konektatzea, gatazken ebazpena eta autoritatea eta errespetua.