Hernanik gaur Santanderren, 12:00etatik aurrera, berrikuntza garrantzitsu birekin jokatuko du. Aurreneko aldiz Polidoriren eskuetan egongo da bi atzerritar berrirekin jokatu edo ez. Hori bai, Zelanda Berriko Kane Todd eta Tongako Loketi Manu prest daude debuta egiteko. Zelanda Berriko jokalaria aurrelaria da eta lehenengo lerroan jokatzen du. Tongarra berriz erdiko postuetan aritzen da.
Aurrez aurre Bathco Rugby taldea egongo da. Bederatzigarren postuan doa, Hernaniri bederatzi puntuko deferentzia ateraz, Hernaniko gazteak, 12. postuan baitoaz, hiru punturekin. Aurten egin du debuta Gorengo Mailan Bathcok baina talde indartsua batu du, argentinarrez josia. Bathco Rugby eta Hernaniren artean, UBU Colina Clinic eta Cisneros taldeak dau de, biak ere bederatzi punturekin.
Lehenengo partidua irabazteko esperantzarekin
Orain artean, bederatzi partidu jolastu ditu Hernanik, eta partidu guztiak galdu ditu. Hala ere, gaurko hamargarren jardunaldi honetan, dena emango dute herriko mutilek, eta Santanderreko taldea garaitzeko esfortzu eta indar guztiak San Roman zelaian utziko dituzte. Batcho Rubgy taldea 9. postuan doala kontutan hartuta, irabazteko itxaropena ez da txikia.