Urteurren borobila ari da ospatzen aurtengo ikasturtean Hernaniko Langile ikastola. Makina bat ekintza prestatu dituzte eta biharko hitzaldi bat antolatu dute. Kasu honetan Biterin izango da, herritarrei irekia. Comunicación y autoridad. El papel de los padres hoy en día izenburupean, Jara Loirak, Cercedako Bosque Escuelako zuzendaria izandakoak eskainiko du. Arratsaldeko 18:00etan izango da.
Komunikazioa eta autoritatea; gurasoen papera gaur egun landuko dute. Gaztelaniaz eskainiko du hitzaldia, eta interesa duen edonori dago zuzenduta. Landuko dute, nola konektatu seme-alaben sentimendu eta beharrekin; gatazkak nola ebatzi; eta autoritatea eta errespetatua zein modutan eraman praktikara.
Otsailean zehar jarraituko dute hitzaldiek
Hitzaldi sortarekin urte hasieran bukatuko dute. Hain zuzen, otsailaren 15ean, tailerra egingo dute egungo eztabaida baten inguruan: Neskak eta mutilak berdin hezitzen al ditugu? Eta sexualitatean? Horren inguruan aritzeko, bi hizlari izango dira: Amelia Barquín, EHUko Hezkuntza Berdintasunean aditua, eta Nerea Santxo sexologoa. Ondorioen berri emango du, bukaeran, Bea Egizabal clownak. Hau ere Biterin izango da, goizeko 09:30etan hasita
2020an, aldiz, aisialdiari lotutako ekintza mordoak izango dira. Martxoan izango dira Haur Hezkuntzako eta helduen ikuskizuna, baita Lehen Hezkuntzako ikasleentzat diskofesta, baita hainbat bazkari ere. Batetik, guraso eta irakasle ohien bazkaria egingo dute. Eta bestetik, ikasle ohien eguna maiatzaren 23an izango da. Herrian zehar hainbat ekintza egin ondoren, ikasle ohiek sagardotegietan egingo dute otordua.