2020ko urtarriletik apirilera arteko ikastaroetan, izenemateko aukera zabalik dago. Ikasle berriek, 16ra arte dute aukera apuntatzeko; eta ikasle ohiek, berriz, hilaren 18 eta 19an izango dute aukera.
Nola eman izena, Udal Kiroldegiko ikastaroetan
Kiroldegiko bulegoan eman behar da izena, astelehenetik ostiralera arte, goizeko 8:00etatik eguerdiko 14:00etara; edo bestela, internet bidez ere egin daiteke, www.kirola.hernani.eus web orrian dagoen pdf dokumentua bete eta bidalita, edo kiroldegiko sarreran utzita.
Hainbat ikastaro, aukeran
Uretako ikastaroak egongo dira, eta zazpi talde bereizten dira bertan; hala nola, 2016koak, 2015ekoak, 2014koak, 2013koak, 2012-2011koak, hastapeneko helduena, eta 65urtetik gorakoen hastapenekoa.
Fitness ikastaroak ere badaude, hiru motatakoak: korea, hipopresiboak, eta hipopresiboak eta luzaketak, erditu ondorengo emakumeentzat.