Feminitatea eraikuntza kultural bat dela eta emakumearen zapalkuntza hortik zetorrela adierazten zuen Simone de Beauvoirrek, duela 70 urte argitaratu zuen Bigarren sexua liburuan. Honen urtemugarekin bat eginez, eta feminismoaren testu fundazionaletako bat dela kontuan hartuz, Irene Arrarats hernaniarrak euskerara itzuli du liburu hau.
Simone de Beauvoirri buruz
Familia dirudun batean jaio zen Simone, baina gaztea zela, familiak kiebrara jo zuela azaldu du Arraratsek. Desgrazia bat eman arren, Arraratsek aipatu du Simone oso pozik egongo zela egoera hortaz, «horri esker izan zuelako aukera filosofia ikasteko, irakasle moduan ibiltzeko...»; eta honela heldu zen feminismoaren testu fundazionaletako bat egitera, Bigarren sexua hain justu, 800 orriko bi liburukiz osatua: lehena, Egitateak eta mitoak; eta bigarrena, Bizi izandako esperientziak.
«Bizi-bizirik dagoen liburua»
1949. urteko perspetibatik sortutako liburu bat da: «iruditzen zaigu, emakume bat zuria eta frantsesa, pribilegiatua zela; eta bai, pribilegiatua izango zen, batzuen aldean. Hala ere, bigarren mailako herritarra zen».
Duela gutxi euskeratu du Arraratsek liburua, 70. urteurrenarekin batera, eta denbora egon arren tartean, Arraratsek adierazi du agerikoa dela liburu honen gaurkotasuna: «bizi-bizirik dagoen liburu bat da, asko pentsarazteko bidea ematen diguna, oraindik ere».