Jaiegun arrotzei intsumisioa lelopean, Herri Eskolak antolatu ditu gaurko, Ikasle Abertzaleak taldeak. Hernani Institutuko gimnasioan jarri dute hitzordua, goizeko 09:30etan, jaiegun arrotzen kontra.
Horrela, tailerra egingo dute aurrena, jai eredua lantzeko. Ondoren, 10:45etan, hamaiketakoa egingo dute. Eta bukatzeko, infantilizazioari buruzko hitzaldia izango da 11:00etan.
Bestalde, Konstituzio Egunean «Euskal Herriko biztanleok ezer ospatzekorik ez» daukagula aldarrikatuz, Euskal Errepublikaren aldeko manifestazioa egingo da Bilbon, eguerdiko 12:00etan, Bihotz Sakratutik abiatuta. Joateko, autobusa jarri du Hernaniko EH Bilduk.