50garren urteurreneko ekintzetan murgilduta dago Hernaniko Langile ikastola. Joan den ostiralean, bingoa egin zuten Tilosetan, Langileko ikasle ohiek antolatuta, eta bolatxoen dantzak jarri zuen saltsa, bertaratutakoen artean. Hurrengo zita, berriz, datorren astelehenean izango da, abenduaren 10ean.
Hitzaldia eskainiko du Jara Loirak, Madrilgo Centro Bosquescuela Cercedako pedagogia zuzendari izandakoak. Biterin izango da, 18:00etan hasita: Komunikazioa eta autoritatea; gurasoen papera gaur egun. Gaztelaniaz eskainiko du hitzaldia, eta interesa duen edonori dago zuzenduta. Landuko dute, nola konektatu seme-alaben sentimendu eta beharrekin; gatazkak nola ebatzi; eta autoritatea eta errespetatua zein modutan eraman praktikara.