Dagoeneko eskuragarri dago, Hernaniko udal eraikinetan, 2020ko udal egutegia. 4.000 ale argitaratu dituzte, eta aurrenekoak, asteazkenean banatu zituzten, Biterin egin zuten aurkezpen ekitaldian. Bertan eman zizkieten sariak, Berriaken dendetan erabiltzeko 40 euroko bonoak, aukeratutako 13 argazkien egileei.
Eta bertan jakinarazi zuen Oier Agirresarobe zinegotziak, «primizian», zein izango den 2021eko udal egutegiaren gaia: Hernani mugimenduan, «islatzeko herriaren dinamismoa, ekintzak...», azaldu zuen.