Valentziako Maratoia jokatu zen igandean, eta bertara joan zen sei laguneko hernaniar taldea ere, 42,195 kilometroko proban parte hartzera. Fermin Tolosak 3:06:23 denboran osatu zuen; Fernando Gonzalezek 3:22:40; Martxel Rodrigok 3:25:36; Javier Gonzalezek 3:49:02; eta Julian Menak eta Paco Gallegok proba utzi behar izan zuten, 27garren kilometroan.
CD Hernaniko 12 atleta, Oianguko Krosean
Igande goizean bertan jokatu zen Oianguko Krosa ere, Ordizian. Eta bertan izan ziren CD Hernaniko 12 atleta, kategoria ezberdinetan. Ane Otaegik, gainera, podiumera igotzea lortu zuen, junior mailan bigarren sailkatuta. Zazpigarren izan zen Gorka Lopez de Arregi.