2020ko inauterietako kartela aukeratzeko, lehiaketa jarri du martxan Hernaniko Udalak; eta datorren astelehena da, proposamenak aurkezteko azkeneko eguna. Biterin entregatu behar dira, formatu digitalean. 32 zentimetroko zabalera izan behar dute, eta 48 zentimetroko altuera. Hernaniko Inauteriak 2020 goiburua izan behar dute. Sinadurarik gabe entregatu behar dira, kartazal itxian; eta bertan zehaztuko dira izen-abizenak, helbidea eta telefonoa. Irabazleak, 600 euroko saria jasoko du: 300 euro dirutan, eta beste 300 euro Berriak elkarteko dendetan erabiltzeko.