Gaur zabaldu du epea Hernaniko kiroldegiak, bigarren hiruhilekoko ikastaroetarako; 2020ko urtarriletik apirilera izango diren horietarako, hain justu.
Abenduaren 16ra arte apuntatu ahal izango dute, aurretik ikastaroan parte hartu ez dutenek. Ikasle ohiek edo lehendik dauden ikasleek, berriz, abenduaren 18an edo 19an egin beharko dute izenematea.
Kiroldegiko bulegoan egin beharko da, astelehenetik ostiralera, 08:00etatik 14:00etara. Interneten ere eskuratu daiteke izenematea orria: www.kirola.hernani.eus, ikastaroen atalean. Bertan dagoen izenemate orria bete, eta entregatu kiroldegiko sarreran, edo bidali posta elektronikoz, kirola@hernani.eus helbidera. Informazio gehiagorako, deitu 943 55 21 85 telefonora.
Uretako zein fitness aretoko ikastaroak daude aukeran. Igeriketakoak, adin guztietarako daude, hiru urtetatik hasita. Eta fitnessean, korea, hipopresiboak, zein erditu berri duten emakumeentzako saioak eskaini dituzte.
HERNANIKO KIROLDEGIA - Bigarren hiruhilekoa
Uretako ikastaroak:
-2016koak: astelehen eta ostegunetan 17:15etan; edo larunbatetan 09:30etan
-2015ekoak: astearte eta ostiraletan 17:15etan; edo larunbatetan 09:30etan
-2014koak: astelehen eta ostegunetan 18:10etan; astearteetan 17:15etan; edo ostiraletan 18:10etan
-2013koak: astearteetan 17:15etan
-2012 eta 2011koak: ostiraletan 18:00etan
-Hastapena helduak: astearte eta ostegunetan 08:00etan edo 19:50etan
-Hastapena 65 urtetik gorakoak: astearte eta ostiraletan 10:30etan
Fitness aretoko ikastaroak:
-Korea: astearte eta asteazkenetan 17:30etan; astearteetan 18:00etan; edo ostegunetan 20:00etan
-Hipopresiboak: astearteetan 19:30etan (lehenago egon diren ikasleentzat soilik) edo 20:00etan; asteazkenetan 08:30etan; edo ostegunetan 11:00etan
-Hipopresiboak+luzaketak (erditu ondorengo emakumeentzat): astearteetan 10:30etan (hilabetero, izenematea begiraleen bitartez)