1969 urtean jaio zen Telemar, eta gaur egun ere tinko jarraitzen du, herritarrei etxetresna elektronikoen zerbitzuak eskainiz.
«Hasiera batean, errazagoa izan zen denda eramatea, salmentetan nabaria zen eta «orokorrean, ez zegoen hainbeste tresna elektronikorik». Telebistak, eskuz egiten ziren, eskuz montatu eta etxeetan ezarri. Materiala oso garestia zen, eta «ez zen erraz lortzen». Hala ere, Patriciok adierazi du, bere gurasoek ordu asko sartu zituztela lanean eta horrela atera zutela denda aurrera.
Teknologia berriekin, egokitzea
Azken urteetan, teknologia etengabe aldatu eta aurreratu da, eta horrek, hainbat egokitzapen eragin ditu, baita pertsona zein komertzioetan. Telemarren kasuan, Patriciok argi utzi du, hasiera batean, Telemarren telebisten reparazioa egiten zela, «zerbitzu tekniko bat eskaintzen genuen, eta horrez gain antenak beti egin izan dira gurean». Teknologiak aurrera egin ahala, Telemar ez zen atzean gelditu, eta teknologia digitala sortu zenean, «bultzada handia izan zuen gizarteak, satelite bidezko programak sartu ziren, eta hor dendan bi atal sortu genituen: atal bat denda, eta bestea, zerbitzu teknikoa». Denbora horretan, «telebisten muntaiak egiteaz gain, antenen muntaiak eta beste hainbat berrikuntza gehiago egitera bultzatu gintuen teknologia digitalak». Garai honetara egokitzeko, hainbat material berri erosi zituzten Telemarrekoek, hala nola, fibra optiko fusionadoreak, zertifikadorak... Gaur egungo etxeak beste modu batera daude eraikita, eta horrek ere, Telemarren egokitzea ekarri zuen, «gaur egun sartzen da fibra, eta horretarako materiala prestatuta eduki behar duzu». Patriciok adierazi du, denborarekin aldaketak beti datozela, eta haietara egokitzea besterik ez dagoela, «lehen ez zeuden antena parabolikoak, eta sartu zirenean hauek jartzen hasi ginen, eta orain fibrarekin ere berdina egiten dugu». Patriciok argi utzi du, oraingo garai berritara erraz egokitu dela, azkenean egunerokotasuna apurtzeko, «gauza berriak egitea eta probatzea oso ondo dago, horrek dibertitzen nau».
Helduak eta teknologia berriak
«Nabaritzen da, 55 urtetik gorakoek, zailtasuna dutela gaur egungo teknologiekin ibiltzeko». «Bezero asko oraindik ez daude ohituta Interneten ibiltzen, eta horrelako tresneriak erabiltzen ere ez».
Premium saria, Telemarren 50 urteengatik
Urteko batzarra egin zuen, apirilaren 7an, Gipuzkoako Merkataritza Federazioak, Tolosako Topic museoan. Eta iazko balantzea eta aurtengo helburuak eta asmoak ezagutzera ematearekin batera, errekonozimendua egin nahi izan zieten, Gipuzkoako hainbat merkatariri.
Haien artean, Telemar etxe tresna elektronikoen denda izan zen saritu bat.
«Poza ematen du honelako sari bat jasotzeak, azkenean Gipuzkoa mailan lokal edo komertzio bat mantentzea zaila da, eta aurrerantzean hori gehiago baloratuko da». Sari hau jaso ostean, Telemarrekoek, herritarren eta bezeroen babesa jaso zuten, «jendea dendara etorri eta denda nola ireki zen gogoratzen dute askok». Betiko bezeroak ere pozez zeuden saria jaso zuenean Telemarrek, «guk eskertzen dugu orain arte jasotako fideltasuna, jendea mantendu egin da eta asko 50 urtetan zehar etorri dira, telefono mugikorra erostera batzuk, beste batzuk satelitea jartzeko...».
Lanari esker, lagunak
Patriciok bere lana oso gustuko du, «jendearekin harremana edukitzea gustatzen zait, haien etxeetara joan, zerbait konpondu eta tratua egin, gertuko lana da gurea, eta lagun asko egin ditut lanari esker, eta hori eskertzekoa da».
Dena dago hobetzeko
«Denborarekin ohartzen zara beti daudela gauzak hobetzeko, eta ikasteko». Eta hori gertatzen da herrietako komertzio txikiekin, asko dagoela hobetzeko.
Patricioren ustez, herriko denda txikiei garrantzia eman behar zaie, «denon artean herriko komertzio txikiei bultzada bat eman behar diegu, azkenean konturatu behar gara, zerk sortzen duen herria».