Abenduaren 3a Euskararen Eguna da, eta Udalak jakinarazi du Udaleko lan egutegian jai-eguna dela. Horrela, aldaketak izango dira hainbat zerbitzutako ordutegietan.
Astelehen eta asteartean itxita, hainbat zerbitzu
Euskararen Eguna jai-eguna denez, «abenduaren 2a ere jai dute udal langile gehienek», eta beraz, hainbat zerbitzu itxi egingo dira astelehen eta asteartean.
Itxiko diren zerbitzuen artean daude udaletxea bera, udal euskaltegia, Biteri kultur etxea eta liburutegia.
Kiroldegian aldaketa, asteartean
Beste zerbitzu batzuetan ere aldaketak izango dira, baina modu desberdinean. Kiroldegian, adibidez, astelehenean ohiko ordutegia egingo da: 06:45etatik 22:30etara. Baina asteartean, goizez bakarrik irekiko da, 08:30etatik 13:30etara.
Gaztelekua, bestalde, astelehenetan itxi egiten da beti, eta abenduaren 3an ireki egingo da.
Musika eskolan jai-eguna, ostirala
Azkenik, Musika Eskolan ohiko ordutegian egingo da lan astelehen eta asteartean. Baina abenduaren 6an itxi egingo da. Beste zerbitzu guztiak, aldiz, ez; irekita egongo dira.