Badator abendua ere, eta horrekin, Kontrakantxa Gaztetxearen urteurren festa. Aurten, 13 urte egingo ditu gaztetxeak, eta hori ospatzeko, hainbat ekintza antolatu dituzte.
Zuazubiskar, Bizkarra eta Martikorena, bertsotan
Egitarauari abenduaren 5ean emango diote hasiera. Aurrena, 19:00etan, Hilerokoa aldizkariaren ale berria aurkeztuko dute.
Ondoren, 21:00etan, bertso-afaria egingo da. Hiru lagun ariko dira bertsotan: Ane Zuazubiskar, Aitor Bizkarra eta Eñaut Martikorena. Txartelak dagoeneko salgai daude garin eta Goiz Argi tabernetan; bakoitzak 15 euro balio ditu.
Mendi buelta, hitzaldiak, eta gehiago, astebetez
Osteguneko txupinazoaren ondoren, astebetez luzatuko dira hurrengo ekintzak, igandeko mendi bueltarekin hasita. Abenduko bigarren astean egingo dira ekitaldi potoloenak. Besteak beste, okupazioa eta etxebizitzen inguruko hitzaldia emango dute Gasteizko Etxebizitza Sindikatuko kideek hilaren 13an, herri-bazkaria eta kontzertuak izango dira hilaren 14an... Txartelak salgai jartzean jakinaraziko dute. Eta borobiltzeko, garbiketa deitu dute hilaren 15erako, 18:00etan.
Abenduak 5,
19:00etan, pintxo-potea eta Hilerokoaren ale berriaren aurkezpena.
21:00etan, bertso-afaria.
Abenduak 8,
08:00etan, mendi martxa Adarrara, eta bueltan, bazkaria.
Abenduak 11,
17:00etan, auzolana.
Abenduak 12,
18:00etan, pizza-potea eta argazki erakusketa.
Abenduak 13,
19:00etan, hitzaldia: okupazioa eta etxebizitza problematika (Gasteizko etxebizitza sindikatua).
21:00etan, jantoki-soziala.
22:30etan, Erroka.
Abenduak 14,
12:00etan, Gaztetxea kalera
14:30etan, herri bazkaria eta Zuttik elektrotxaranga.
22:30etan, kontzertuak.