Hernaniko Xake Txapelketa iritsi da amaierara. Zazpigarren eta azken jardunaldiko norgehiagokak jokatuko dira bihar, arratsaldeko 16:00etan, Kixkal Tabernan eta Hernaniko Haurren Txapelketa Azkarra ere jokatuko da ordu eta toki berean, 14 urtetik beherakoen artean.
Gero, arratsaldeko 18.30etan egingo da sari banaketa. Sariak izango dituzte, bi onenek, Hernaniko onenak, lehenengo emakumezkoak eta txapelketa azkarreko lehenengo bi haurrek.
Txapelketa Makarov, Edu Sanz eta Xerparen artean dago. Makarovek 5,5 puntu ditu, Sanzek 5 eta Xerpak 4,5. Gainera, Makarov eta Xerparen artean jokatuko dute. Edu Sanzek Martiarena du aurkari beste partida erabakiorrean.