Espainian jokatuko da futboleko 2020ko Eurocopa, eta jakinarazi dute, Bilboko San Mames zelaian lehiatuko direla ligaxkako hiru partidu, eta final zortzirenetako beste bat.
Erabaki horren kontra, Eurocopa honi ez! mugimendua jarri dute martxan, eta Buruntzaldea mailako aurkezpena egingo dute bihar, Hernanin. Arratsaldeko 19:00etan izango da, Kontrakantxa gaztetxean: «hamaika arrazoirengatik, adierazi nahi dugu ez dugula Eurocopa hau nahi, ez Bilbon eta ez Euskal Herriko beste edozein hiritan». Biharko saioan emango dute, arrazoi guztien berri.
Jantoki soziala, ondoren
Mugimenduaren aurkezpenaren ondoren, beste hitzordu bat ere jarri dute, Kontrakantxan: jantoki soziala zabalduko dute, iluntzeko 21:00etan.