Beste urte batez, Mintzodromoa antolatu du Hernaniko Udal Euskaltegiak, Euskeraren Egunaren bueltan. Gaur izango da, Biterin, eta bi txandatan egingo dute: goizeko 10:00etan aurrenekoa, eta arratsaldeko 19:00etan bigarrena. «Epelean bilduko gara, mingaina astindu eta, euskeraz hitz eginez, une atsegin bat pasatzeko asmoz», nabarmendu dute. Euskeraren Egunerako beroketa gisa balioko du.
Parte hartzeko, izena eman behar zen, azaroaren 22ra arte; baina azaldu dute, oraindik ere izango duela parte hartzeko aukera, nahi duenak: bertara azaltzea nahikoa izango da: «badakizu, azaldu bi saioetako edozeinetan. Animatu, ederki pasako dugu eta!».