PORROTEZ betetako asteburua izan da pasa dena, senior neskak izan baitira garaipena lortu duen talde bakarra, beste guztiak porrotarekin itzuli dira etxera.
Txikietan, infantil neskak partidu orekatuak jokatu dituzte; Infantil Neskak Bat taldeak Fortuna Txiki izan zuen aurkari, eta Infantil Neskak Bik berrriz Laskorainen aurka jokatu zuen, Tolosan. Ezin izan zietene aurkariei aurrea hartu eta bi taldeak porrotarekin amaitu zuten partidua.
Kadete neskak Bat taldeak, Summa Aldapeta izan zuen aurkari, eta emaitza 0-3koa izan zen. Kadete Neskak Bi taldeak ere emaitza berbera lortu zuen Tolosan, 3-0.
Boleiboleko taldeko entrenatzaileek adierazi dute, lau talde hauek hasierako txapelketa ari direla jokatzen. Urtarrilean hasiko da Gizpuzkoako Liga, eta bertan jokatzeko ederki etorriko zaie praktikatzea.
Senior taldeak, emaitza gazi-gozoak
Senior taldekoek emaitza gazi- gozoak lortu dituzte pasa den asteburuan. Neskek bosgarren garaipena lortu dute, segidan. Beraz partidu guztiak irabazi dituzte, eta hori zoriontzekoa da. Hala ere, larunbateko partidua ez zen erraza izan, senior neskek sufritu ostean, 3-2ko emaitzarekin lortu zuten garaipena. Jokoa oso parekatua zegoen, baina Hernaniko neskek hartu zuten aurrea. Azken setean, etxekoak izan ziren partiduaren jaun eta jabe eta partidua lasaitasunez amaitu zuten.
Senior mutilak berriz Berriozarreko kiroldegian izan ziren, asteburuko partiua jokatzen Navarvoley taldearen aurka. Aurreneko bi setetan, Hernaniko mutilek ederki borrokatu zuten, hala ere nafartarrak erraz menperatu zituzten hernaniarrak. Azkenik, 3-0 emaitzarekin amaitu zuten partidua, nafarren alde.
Orain berriz, hurrengo partidurako indarrak hartu eta prestatzea besterik ez zaie gelditzen senior mutil taldeari. Bera Bera Bultz taldea izango da datorren larunbatean Hernaniko senior mutilen aurka ariko dena.