Urte bukaerarekin batera, Gure Esku Dagok martxan jarri du berriro Tripontzia kanpaina. Aurten, Tripontzia: burujabetzara bidean istorio sorta digitala lortzeko txartelak erosita, 94.000 euro arteko sarien zozketan parte hartu ahal izango da.
Ane Labaka eta Nerea Ibarzabal, Txakur Gorria sortzaileen kolektiboko kideek idatzitako 7 istoriok osatzen dute istorio sorta digitala eta Unai Gaztelumendi diseinatzaile eta ilustratzaileak egin ditu marrazkiak. Erosten diren txartelen aurrealdean egongo da komiki digitala lortzeko kodea, eta bestaldean, zozketan parte hartzeko zebakia. Sari nagusia 60.000 eurokoa izango da; 2.000ko zazpi eta 1.500 eta 1.000ko zortzina ere izango dira.
Hernanin, Kale Nagusian jarriko dira txartelak salgai, ostegunero, eta hainbat denda eta tabernatan. Zozketa urtarrilaren 16an egingo da.