Koxka elkarteak arratsalde pasa umoretsua egiteko proposamena egin du azaroaren 27rako, datorren asteazkena, eta herritar guztiak gonbidatu ditu gozatzera. Bakarrizketa umoretsuen saioa antolatu du, 19:00etan hasita, Biterin, eta doan izango da.
Telmo Iruretaren berriena, eta beste bi
Denera, hiru bakarrizketa saio egingo dituzte hiru kontalari ezinhobek. Aurrenekoa Telmo Irureta aktorea izango da. Oholtza gainean lehendik ikusi duenari ezaguna egingo zaio Iruretaren umore beltz zorrotza, baina emanaldi berria taularatuko du oraingoan: Cuando te mueras. Gaztelaniaz izango da.
Bigarren bakarrizketa saioa, berriz, hernaniar baten esku egongo da: Kike Parrak Tetris izenburupean egingo du bere emanaldia. Hau ere, gaztelaniaz. Bai Irureta eta baita Parra ere gurpildun aulkian mugitzen dira, arrazoi desberdinak medio, eta horrek eragiten dituen muga, aukera, egoera barregarri edota deserosoak izango dituzte hizpide.
Hirugarren eta azken saioa, berriz, Jexux Eizagirrek egingo du, euskeraz. Gaia ere, desberdina izango da: Pitopausia.
Zeinu hizkuntzan ere bai
Mugak gainditzen abilak, itzultzailea izango dela aurreratu dute, baita zeinu hizkuntzan ere.