Ekitaldiz betetako astea hasiko du bihar Urumea Herri Guneak: Arte Gela irekiko da, tailer batekin, eta jantoki beganoa jarriko da berriz martxan. Bestalde, dantzaldia egingo da.
Arte gelaren irekiera, aurrena
Hasteko, asteartean Arte Gela inauguratuko da 18:00etan, Amalia de la Matak emango duen Collage Feminista tailerrarekin. Materiala izango da, baina egunkari edo aldizkari zaharrak eta guraizeak eramateko gomendatu dute. Gaztelaniaz izango da tailerra.
Inauguratu ez, baina berriro irekiko den gunea izango da, bestalde, jantoki beganoa. Ostiralean afaltzeko aukera izango da, 20:30etatik aurrera, eta ondoren, bingo musikatua egingo da, eta sariak izango dira.
Astea borobiltzeko, larunbatean, hilak 30, dantzaldia egingo da, 21:00etatik aurrera, mota guztietako musikarekin. «Matxirulorik ez dela izango» ziurtatu dute.