Martxan da Lokal hutsen mobilizaziorako kudeaketa sistema eta laguntza teknikoko proiektua, Lizeaga auzoan. Hernaniko Udalaren eta Eusko Jaurlaritzaren babesarekin. Hala ere, azterlan honetan hiru erakundek hartzen dute parte, hala nola, Ad asociados, RB3 Innovación Urbana Integrada eta Gislan kooperatibak.
Antolatzaileek adierazi dute, auzoetan jarduerarik gabeko lokalak aztertu, horien inpaktua murriztu eta soluzio konplexuak planteatu nahi dituztela, eta horrez gain, «hau ahalbidetuko duten sistema eta aplikazio informatikoa garatu nahi dugu».
Hori dela eta, Lizeaga auzoa hautatu dute, honen diseinua definitu eta egokitu ahalaizateko, «honela izaera esperimentala duen proiektua izanda, beste lekuetan aplikagarria izango da».
Bizilagunen parte hartzea beharrezkoa dela adierazi dute proeiktuan buru belarri dabiltzan antolatzaileek, «proiektua behar bezala tokiko ezaugarri eta beharrei egokitzeko».
Hutsik dauden lokalek, sortzen dituzten arazoak
Herrietan, hainbat eta hainbat lokal egoten dira hutsik, denbora luze batean, eta honek, hirigintza, ekonomia eta gizarte egoera ahultzen dute. Hori dela eta, Asociados, Gislan eta RB3 Innovación Urbana Integrada enpresek proiektu hau sortu dute, Hernaniko Udalaren eta Eusko Jaurlaritzaren babesarekin.
Ikerlanaren helburua
Proiektu honen helburua, auzoetan jarduerarik gabeko lokalak aztertzeko, horien inpaktua murrizteko eta soluzio konplexuak planteatzeko, sistema bat sortzea da, «eta horrez gain, honi lotutako aplikazio informatikoa garatu nahi dugu». Beraz, Hernaniko Lizeaga auzoa hautatu dute proiektu honi hasiera emateko, eta Lizeaga auzoaren diseinua definitu eta egokitu ahal izateko.
Lan saio kolektiboa proposatzen dute proiektuko kideek, «arazoari buruz hausnartzeko eta konponbide posibleak aurreikusteko»
Analisia egiteko, urratsak
Proiektu honek, aurretik analisi bat behar du, eta hainbat urrats emango dituzte horretarako, hala nola, dokumentu azterketa, lokalei egingo diren bisita bereziak «jabeekin aurretik hitzordua zehaztuz», auzoko bizilagunei egingo zaikzien elkarrizketak, baita jarduera duten lokalen kudeatzaileekin ere. Era berean, lan saio kolektiboa proposatzen dute antolatzaileek, «arazoari buruz hausnartzeko eta konponbide posibleak aurreikusteko».
Parte hartzea eskatzen da
Auzokoen parte hartzea beharrezkoa dela adierazi dute, «oso garrantzitsua da» gaineratuz. Azterlanaren helburua, tokiarekin bat datozen proposamenak planteatzea delako, «tokiko izaerari eta nortasunari egokituz».
Beraz, proiektuaz arduratzen den lantaldean erronkaren bat egitera animatu nahi ditu herritarrak, «jaso daitezkeen hobekuntzak auzoari mesede egin diezaioten». Parte hartu nahi izanez gero, harremanetan jarri kooperatibarekin, helbide elektronikora idatziz: gislan@gislan.eus.