Gipuzkoako finala bihar, Endika Ramosek eta Aiheko Zubimendik

Mutilen finalak jokatuko dira asteburu honetan, Gipuzkoako Txapelketan, nagusien aurrene­ko bi mailetan. Eta txapelaren bila joango dira Donostiara, pa­lis­ta hernaniarrak: bigarren mai­lako finala jokatuko dute, En­di­ka Ramosek eta Aiheko Zu­bi­mendik. Aizpuru eta Da­gue­rre zarauztarrak izango dituz­te, aurrez aurre.

Donostiako Altzako fron­­to­ian jokatuko dira fina­lak, goize­ko 11:00etan hasita. Lehe­nengo mailakoa izango da au­rre­na, Lagunak eta Real Socie­dad tal­deen artekoa; eta segidan ari­ko dira hernaniarrak.

Hirugarren mailan, berriz, finaletik kanpo geratu dira Iker Zurutuza, Mikel Manterola eta Ander Arandia. Ostegunean jo­katu zuten semifinalen buel­ta­koa, Zarautzen; eta ezin izan zioten buelta eman, joaneko porrotari: 25-13 galdu zuten.

Neskak, ligaxka bukatzear

Ligaxkan ari dira oraindik, aldiz, neskak; baina laster bukatuko dute. Lehenengo mailan, gaur dute azkeneko partidua Ira­zus­tabarrenak, Arrietak eta Huizik; eta ziurtatuta daukate finalera pasea. Ostegunean bukatu zu­ten ligaxka Ekhine Balerdik eta Garazi Urdangarinek, bigarren mailan, Ataungo Perlines eta Urrestarazuri irabazita (30-10). Eta horri esker, finalera sailkatu dira haiek ere, ligaxkako au­rreneko postua lortuta