Datorren iganderako, abenduaren 1erako, zeukan aurreikusita Mendiriz Mendi elkarteak, urteko azkeneko irteera. Baina jakinarazi dutenez, bertan behera geratu da irteera: «gure esku ez dauden arrazoiak tarteko, azkenean ezingo dugu irteera egin», azaldu dute elkartetik.
Uharte Arakilera joatekoak ziren, Nafarroako Sakanara; eta bertatik, Aralarren barrena, Meatzeko Bidera iritsi, 11 kilometroko ibilbidea osatzeko.
Lizarrustira bihar, gaztetxoak
Bai egingo dutena, biharko irteera da, gaztetxoekin. Lizarrustira joango dira, 09:00etan Biterin elkartuta; eta 4 kilometroko ibilbidea osatuko dute, SL-GI 2004 bidetik. Hiru ordutan egitea aurreikusi dute.