Bihar jokatuko da Donostiako Maratoia, eta bertan izango dira, Urumea bailarako hainbat korrikalari ere. Guztira, 29 daude izena emanda, 42,195 kilometroak osatzeko: 17 hernaniar eta 12 astigartar. Goizeko 09:00etan abiatuko dira, Anoetatik; eta miniestadioan bukatuko dute.
Maratoiarekin batera, beste bi proba ere izango dira. Maratoi erdia ere 09:00etan abiatuko da, 14 astigartar eta 11 hernaniar tartean direla; eta 08:40etan aterako dira 10 kilometroko proba osatuko dutenak, 9 hernaniar eta 9 astigartarrekin.
Maratoian aterako da, baita ere, Idoia Esnaola, CD Hernaniko atleta. Berezia izango da, urnietarrarentzat: 100garren maratoia izango du biharkoa.
Atletismoa
Bailarako 29 korrikalari, Donostiako Maratoian
17 hernaniar eta 12 astigartar aterako dira bihar. Maratoi erdian bailarako 25 izango dira, eta 10 kilometrokoan 18.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!