Erabakigarriak izan daitezke biharko partidak, txapelketan

Fase erabakigarrian sartu da Hernaniko Xake Txapelketa; eta erabakigarriak izan daitezke, bihar jokatuko diren partidak. Arratsaldeko 16:00etan izango dira, Kixkal tabernan.
Seigarren jardunaldia egon­go da jokoan, txapelketako az­ke­­naurrekoa. Eta elkarren kon­tra ariko dira, aurreneko lau pos­tuetan dauden xakelariak; txa­peldun izateko aukera du­te­nak, hain justu. Evgeny Maka­rov dago buru-buruan, 4,5 pun­tu­re­kin; eta puntu erdira dauzka atzetik, laurekin, Eneko Mar­tia­­rena, Edu Sanz eta Udo Esnaola.
Esnaolaren kontra jokatuko du Makarovek, eta irabazte­ko­­tan, oso gertu izango du txa­pela. Martiarena eta Sanz, be­­rriz, elkarren kontra ariko dira. Aurreko asteburuko emai­tzek eman diote tartetxoa, Ma­karovi. Izan ere, Oxan Altu­na­ri irabazi zion berak, eta ber­din­du egin zuten Esnaolak eta Martiare­nak, bakoitzak pun­tu erdi lortuz. Ho­rrek ahal­bi­detu dio Sanzi, haiekin biekin berdinduta ego­tea orain. Erdo­zio­ri irabazi zion berak.
Xerpa dago haien atzetik, 3,5 punturekin; eta Jose Mari Berrotaran, Joxe Ramon Altuna, Ibon Ramos eta Mikel Zubia ondoren, hiruna punturekin.
Hauexek izan ziren, au­rre­ko igandeko gainerako emaitzak: Joxe Ramon Altunak eta Zu­biak berdindu; Xerpak Beñat Mu­ru­a­­­ri irabazi; Berrotaranek Jose­­ba Goikoetxeari; Ibon Ra­mosek Javier Burgosi; Peru Do­min­­­guezek eta Jon Sagarnak ber­din­­du; Eli Agirrek Ekaitz Deve­sa­­ri irabazi; Maitane Otao­leak Iñaki Arrietari; Ekain Este­fa­nok Beñat Devesari; Jose Gon­za­­lezek Alain Gonzalezi; eta atse­de­na eskatu zuten Juan Carlos Itu­rraldek eta Mertxe Egizurainek.
Hori horrela, 2,5 punturekin daude Erdozio, Oxan, Murua, Otaolea, Goikoetxea, Agirre eta Sagarna; 2 punturekin Burgos, Iturralde, Dominguez eta Jose Gonzalez; 1,5 punturekin Ekaitz eta Beñat Devesa, eta Arrieta; eta puntu batekin Egizurain, Alain Gonzalez eta Estefano.

13 partida, bihar arratsaldean
Aurrez aipatutako bi partida nagusiez gain, beste 11 jokatuko dira bihar; 13 partida, guztira: Xerpa eta Altuna; Zubia eta Berrotaran; Ramos eta Goikoe­txea; Agirre eta Erdozio; Oxan eta Otaolea; Sagarna eta Murua; Iturralde eta Jose Gonzalez; Burgos eta Dominguez; Arrieta eta Beñat Devesa; Alain Gonza­lez eta Ekaitz Devesa; eta Este­fano eta Egizurain. Biharkoaren ondoren, jar­du­­naldi bakarra ge­ratuko da, txa­pelduna ez ezik, postu ba­koi­tzean zein geratuko den erabakitzeko.