HURRENGO astelehenean, aurrez aurreko ikastaro bat egingo da Biterin; «Etxebizitzetan energia berriztagarriak ezartzeko saio praktikoa» izango dena, hain zuzen. Udalak adierazi du, energia berriztagarrien inguruko araudia aldatu berri dela, eta horren ondorioz, teknologia horiek etxebizitzetan eta etxebizitza-bloketan erabiltzea errazagoa dela. Datorren asteleheneko saioan, aditu batek modu praktikoan azalduko du zein baldintza bete behar diren energia berriztagarriak etxebizitzetan instalatzeko. Horrez gain, gure lurraldean jadanik martxan dauden zenbait instalazio, adibide gisa hartuta, horietan sortutako energia nola erabili daitekeen ere azalduko du. Parte hartzeko Ostiralean amaituko da izena emateko epea. Eta apuntatzeko hainbat modu daude; helbide elektronikora idatziz (oihane@izadi21.eus) edo deituz (686 4277 565); astelehenetik ostiralera, goizeko 8:00etatik, arratsaldeko 16:00etara.
Datorren astelehenean, energia berriztagarriak etxebizitzetan ezartzeko saioa egingo da lehen aldiz Hernanin. Saio hau Biterin izango da, arrratsaldeko 18:00etan. Ostiral honetan amaitzen da izen emate epea.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!