ederki pasa zuten atzoko arratsaldea askok Milagrosan. Santa Zezilia eguna ospatzeko (musikarien eguna) Musika Bandakoek kontzertu paregabea eskaini zuten.
Musika Bandakoek adierazi dute, saiakera handiak egiten dituztela, bai zuzendari zein musikariek, kontzertu ikusgarriak eskaintzeko. Atzoko kontzerturako, Jorge Pacheco Garcia zuzendari hernaniarrak aukeratutako obrak honakoak izan ziren; Agüero, José Franco; Second Suite for Military Band in F mayor, Gustav Holts; Golden Land, Saül Gómez Soler; Eñ Caserio, Jesus Guridi; Ouverture 1812, P.I. Tsjaikovski.
Musika Bandaren partez «eskerrik asko»
Hernaniko Musika Bandak, esker hitzak luzatu nahi dizkie, orain arteko kontzertu desberdinetara bertaratzen diren entzule fidelei eta tarteka bertaratzen direnei ere. Horrez gain, musikazale guztiei mezu bat helarazi nahi izan diete; «Zorionak, musika hainbeste maite duzuenei!»
Gaur txistulariek erreleboa
Gaur, eguerdiko 12:30etan Leokadisti Txistu Taldeak kontzertua eskainiko du herritar ororentzat. Gaurko saioa, Txistulariak arkupetan izeneko urteko zikloaren azkenekoa izango da. Hori horrela, txistularien errepertorioko ohiko doinuak nahastuko dituzte beste errepertorio batzuekin. Eta Peru aldeko doinu herrikoi eta ezagunak joko dituzte.