Ez dio modurik onenean ekin Endika Barrenetxeak, Binakako Txapelketari. Tanto bakarreko aldearekin galdu zuen estreinako partidua, Juanenearekin batera, Uterga eta Azpirozen kontra (40-39). Baina txapelketaren formatu berriarekin, Azpirozek adina puntu dauzka, sailkapenean: hernaniarra izan zen partiduko atzelari onena, eta beraz, lau puntu jaso zituen berak, eta bi puntu Azpirozek.
Hori horrela, partiduko emaitzarekin lortutako bi puntuekin, sei puntu dauzka Barrenetxeak. Zortzi punturekin dago Uterga (irabazi eta aurrelari onena), sei Azpirozek eta Barrenetxeak, eta lau Juaneneak.
Partidu haundia jokatu zuten lau erremontistek, edonola ere. Hasieran aurretik izan ziren Barrenetxea eta Juanenea, 9-13raino; baina orduan, 10-1 partziala lortu zuten gorriek, eta 22-17 ere izan ziren aurretik. Orduan berdindu zen partidua: makina bat berdinketa izan ziren markagailuan. Baina azkeneko tantoan, zaila ez zen pelota bat huts egin zuen Juaneneak.
Gaur izango da Binakako Txapelketaren bigarren partidua, arratsaldeko 16:00etan hasita Galarretan: Urriza eta Larrañaga ariko dira, Matxin III eta Endikaren kontra ariko dira.