Txupinazoa gaur, 50garren urteurreneko ospakizunei

Urteurren borobila izango du datorren urtean, Hernani­ko Langile ikastolak. Eta hori ospatzeko, makina bat ekin­tza prestatu dituzte.
Gaur emango diete hasiera: txupinazoa egingo dute, goizean Meaben, bertako eta Bidebietako ikasle eta irakasleentzat; eta arra­tsal­dean Lau­bi­die­tan. Urteurre­ne­ko kamixe­te­kin egongo dira, Igor Baiona diseinatzai­leak egindako logoarekin, Lan­gileko ikasle ohia. 
Mea­ben, ikastola nola apain­­duta dagoen ikusi, hamaike­ta­koa egin, Zorionak zuri kantatu, serpentina etxa­fe­ro­ak bota, eta aurpegiak mar­gotuko dituzte, besteak beste. Eta Laubi­die­tan, ikas­tola apaindu, txupinazoa bota, eta ekitaldi nagusia.
Bingoa ere egitekoak ziren Tilosetan, baina egu­raldi­a­ga­tik, bertan behera geratu da.

Mahai ingurua, asteartean

Hurrengo hitzordua ere, gertu dute. Datorren asteartean egin­go dute aurreneko mahai in­gu­rua, 17:00etan hasita, Lau­­bi­die­tako jangelan. Bertan har­tu­ko dute parte, Langileko irakas­le ohiek, gaur egungo irakasleek, eta MCEPko (Movi­mien­­to Cooperativo de Escue­la Po­pu­lar) kide ba­tek; eta aztertuko dute, Céles­tin Freinet irakasle eta pe­dagogo frantsesa zenaren eragina, Langile ikastolan.