HERENEGUN aurkeztu zuten 49. Binakako Erremonte Txapelketa nagusia. Gaur izango da lehenengo partidua, Urteaga-Azpiroz eta Juanenea-Barrenetxea IVren aurka jokatuz hasiko dute ligaxka. Gaur emango zaio hasiera eta abenduaren 28an izango da final haundia.
Bost bikote, lehian
Bost bikote izango dira aurtengo ligaxkan: Uterga eta Azpiroz; Urriza eta Larrañaga; Matxin III eta Endika; Ansa II eta Ion; Juanenea eta Barrenetxea IV.
Gaur hasiko da ligaxka, eta abenduaren 7ra arte iraungo du. Ondoren, ligaxkako finalerdiak jokatuko dira, abenduaren 12tik 21era. Eta finala, abenduaren 28an izango da.
Partiduak ostegun eta larunbatean jokatuko dira, eta aurkezpenean azadu zutenez, aurreko urteetako puntuazioak aldatu egingo dira; irabazlearentzat (40 tanto) 4 puntu; 36-39 tanto bitartean egin dituztenentzat 2 puntu; 32-35 tanto bitartekoei puntu bakarra; 26-31 tanto lortzen dutenentzat ez dago punturik; eta 25 tanto azpitik egiten duenak puntu bat gutxiago izango du.
Puntuazio gehien lortzen duten hiru bikote pasako dira finalak jokatzera. Eta hortik, bi bikotek jokatuko dute final handia.
Abenduaren 12tik 21era bitartean jokatuko dira finalerdiak eta abenduaren 28an final handia izango da.
Finalerdiak eta finala
Hiru bikotek jokatuko dute finalerdia, beraz, hiru partidu jokatuko dira: abenduaren 12an lehena, bigarrena abenduaren 14an eta azkena abenduaren 21ean.
Finalerdietako lehenengo partiduan irabazi duen bikoteak, hirugarren bikotearen aurka egingo du bigarren partiduan, eta abenduaren 21ean, lehenengo partiduan galdu zuenaren aurka egingo du berriro ere hirugarren bikoteak.
Finalerdiak bukatuta, bi bikote onenek osatuko dute finala, abenduaren 28an. Eta aurkezpenean adierazi dute, finaleko pelotariren bat lesionatuz gero, hirugarren bikotea pasako dela finalera.
Beraz, abenduaren 28an, larunbata, erabakiko da zein bikotek jantziko duen 49. Binakako Erremonte Txapelketa Nagusiko txapela.
Banakako saria ere banatuko da; Txapelketako jokalari onenari emango zaiona, hain zuzen.
Onenei, saria
Finaletan ohikoa den moduan, sariak banatuko dira, eta bi sari banatuko dituzte finala irabazi duten aurrelari eta atzelariarentzat. Horrez gain, bigarren postuan geratu direnentzat ere banatuko dira sariak.
Eta banakako bat ere egongo da, Txapelketako jokalari onenari emango zaiona hain zuzen.