Hezkuntza Plataformaren eskutik, beste eskola bat eskainiko dute gaur arratsaldeko 17:30etan, udaletxeko areto nagusian.
Oraingoan, AMHERreko kideak izango dira hizlari, Jatorri ezberdinak. Bizi ibilbideak izenburupean. Jatorri ezberdinetako hernaniarren ibilbide pertsonalak partekatzeko aukera izango da.
Saio irekia izango da gaurkoa eta antolatzaileek herritar guztiei luzatu nahi diete gonbitea, AMHERreko kideen esperientziak ezagutzeko. Hezkuntza plataformakoek azpimarratu dute; «benetan aberasgarria» izango dela «gu guztiontzat».
Joan nahi duenarentzat, zaintza zerbitzua ere izango da eskura.