Mintzalaguna programa martxan da Dobera euskara elkartearen eskutik. Programa honek, euskera hobetzeko eta gehiagotan erabiltzeko aukera ematen du, euskeraz bizitzeko, eta azken finean, ingurune euskaldunak sortu, indartu eta zabaltzeko.
Astean behin, ordubetez, talde txikietan biltzen dira euskeraz hitz egiteko gogoz daudenak, eta laguntzaile euskaldun bat, baita ere.
Parte-hartzaile mordoa
50 lagun inguruk hartzen dute parte Hernaniko Mintzalagun programan. Asko kafetegietan gelditzen dira, goiz zein arratsaldean, beste batzuk nahiago izaten dute eguraldia aprobetxatu eta nonbaitera joan... Hainbat eta hainbat leku zein momentutan mintzatu daitekeelako euskara.
Jarduera bateratuak
Hainbat jarduera bateratu egingo dituzte euskera sustatzeko. Aurreko ostegunean adibidez, ederki pasa zuten ikasturteari hasiera ematen pintxo potean, trikitilariek girotuta.
Bete beharreko baldintzak
Euskaraz komunikatzeko gutxieneko maila bat eskatzen da, eta izena emateko aukera zabala da, urte osoan zehar eman baitaiteke. Izena emateko: dobera@dobera.eus edo 943 33 27 99/ 662 406 692.