udala

Indarkeria matxista eta arrazistaren inguruko ikastaroa, ostalarientzat

Indarkeria matxista eta arrazistaren inguruko ikastaroa, ostalarientzat

Ikastaroa antolatu du Her­naniko Udalak tabernari eta sa­gardotegietako langileentzat indarkeria matxista eta arra­zistaren inguruko trebakuntzarako. Hilaren 19an izan­go da, datorren asteartean, bi txandatan: nahi duenak goizez egin ahal izango du, 10:00etatik 13:00etara; eta bestela, arratsaldez, 15:00etatik 18:00etara. 

Izena emateko: Berriak el­kartera edo Berdintasun Arlo­ra jo: 943 33 70 17.

Bigarren formakuntza-saioa
2015. urtean egin zen lehenengo aldiz tabernari eta sagardotegietako langileei zu­zen­du­tako formazio-saioa eta asteartekoa, beraz, bigarrena izan­go da. Udalak adierazi duenez, lehenengo saio horretan «adostu zen emakumeen aurkako erasoren bat egonez gero, jarduteko protokolo bat martxan jarriko zela». 

Oraingo honetan, protokolo hau berrikusi nahi da, eta ikuspegia zabaldu: «emakumeenganako indarkeriaz gain, LGTB ikuspegia eta arrazismoarena ere txertatuko dira».

Gainera, aurrerago, sagardotegi eta taberna parte-har­tzaileei euren lokaletan jartzeko euskarria banatuko zaie, «gai honekiko duten konpromisoaren eta tratu onen kulturakin bat egiten dutenaren adierazgarri».

Denon inplikazioa ­«ezinbestekoa»
Udalak ohar baten bidez adierazi duenez, urteak daramazki «indarkeria matxistaren ga­ia lantzen, baita jai eremuan eta txotx garaian ere». Eta gehitzen dute: «arazo ho­nekin amaitu nahi badugu, ezinbestekoa da denon inplikazioa».