«Etxeko ateak irekiz, bihotza ere irekitzen duzula diote askok, eta gure asmoa hori da»

Igandean Bizilagunak eki­mena egingo da Hernanin, kultura ezberdinetako fami­liak bazkari baten bueltan in­gu­ratuko dira, beste behin ere.

Fatima Fernandez, AM­HE­R­re­ko gazte koordina­tzaileak adi­erazi du, Bizilagunak proi­ek­tutik sortu dutela Gazte Bizi­lagunak Hernaniko egi­tas­moa. Eta antzekoak direla ere azpimarratu du, baina «Her­na­nin sortu dugun Gazte Bizi­lagunak egitasmo hone­tan, gazteei pisua ematen zaie». «Askotan, familien arteko baz­kari horietan gazteak alde ba­tera geratzen ziren». Gazte bat bere adin tarteko jendearekin bil­duz erosoago sentituko dela adierazi du Fernandezek. Hori dela eta Hernaniko eta atze­rriko gaz­teak ere bazkari ba­ten bueltan batzea bururatu zitza­ien, eta hortik sortu zen Gazte Bizilagunak egitasmoa. 

Bizilagunak, eskualde osoan

Bizilagunak Txekosloba­ki­an sortu zen proiektu bat da, eta Gazte Bizilaguneken koordina­tzaileak azaltzen duenez, Eus­kal Herrira ekarri zela ba­dira urte batzuk; «aurten­go­a zor­tziga­rren edizi­oa da», dio.

Parte hartze haundiena Gi­pu­z­koan ematen da, batik bat Hernanin. «Askotan iru­di­tzen zaigu herri txikietan ez direla horrelakoak egiten, baina bai, Urnietan adibidez, egiten da». 

Aurten, 200 pertsona izan­go dira Hernaniko Bizi­la­­gunak egitasmoan parte har­tu­ko du­tenak, eta horie­ta­tik 70, gaz­teak izango dira.

«Parte hartzea mantendu da»

Fernandezek adierazi du, ur­teen poderioz, parte hartzea ez dela haunditu, baina, behin­tzat, mantentzen dela. «Az­ke­nean jendeak agendak gero eta beteagoak dauzka, eta askotan tarterik ez dago ho­rrelako egun batean parte hartzeko». Bere ustez, behar bada, Bizila­gunak ekimena, askorentzat ez da lehen­tasunezko ekintza bat; beste batzuentzat, ordea, bai. 

Hala ere, haren ustez, as­kotan «betikoak» ani­ma­tzen dira honelako eki­me­­netara, «militanteak dira ge­hi­en in­bolukratzen di­re­nak». Beste fak­tore bat ere azpima­rratu du Fernandezek: «koa­­dri­lak». As­ko­­tan jendea go­goz dago ho­rrelako ekime­netan parte-hartzeko, «baina ez da anima­tzen bere koadrila ez dijoa­lako. Arazoa ez da jendea ez dela Bizilagunak ekimenera joaten, arazoa da, edozein ekintzetan betikoak daudela, eta jende berriak beldurra edo duela».

Etxeetan, goxoago

AMHER elkarteak, Bizilagunak pro­iektu honekin kultura ez­ber­di­nen arteko harre­man­tzea lort­­u nahi du: «gertu­tasun bat lortu nahi dugu, horre­gatik egiten dugu baz­karia». AMHERreko kideak adierazi du, Euskal Herri­an, ohitura dugu­la tabernetan edo elkar­teetan biltzeko, eta hori ere aldatzea proposatu zutela, etxeetan biltzeko ohi­tu­ra nor­malizatuz: «etxeko ateak ire­kiz, bihotza ere ireki­tzen duzu­la diote askok, eta gure asmoa hori da», azpima­rratu du. An­tolatzaileen ustez, harre­man­­tze­rako garaian, etxeak go­xo­ta­suna ematen baitu.

Bazkariaren ondoren, festa! 

Gazteen kasuan, gaztetxean burutuko da bazkaria, eta baz­kalostean ere izango da zer gozatua; hainbat ekintza iza­go baitira, besteak beste, jolasak, Her­na­­niko DJ bat... 

Etorkizunera begira

Datozen urteetan ere, AMHER­rek asmoa dauka Bizi­la­gunak proiektua antolatzeko, helbu­ruak bertan jarraitzen duen neu­rrian, hau da, «iga­ndean egin­­go diren bazka­ri­ak nor­mal­tasun bate­an egin arte behintzat».