Porrota jaso zuten Hernaniko mutil seniorrek, Euskal Ligako bigarren partiduan ere. Estreinakoa zuten etxean, Sestaoren kontra; eta 9-11 nagusitu zen talde bizkaitarra, kiroldegian.
Aurreneko jardunaldian bezala, gutxigatik galdu zuen bigarrena ere. Getxon hasi zuten liga, eta han ere, bederatzi gol sartu zituzten hernaniarrek, 10-9 galtzeko. Orduan gol bakarreko aldea izan zen porrotaren errudun, eta bikoa izan da oraingoan, berriro estu.
Hirugarrenean bilatu beharko dute, aurreneko garaipena.