Esnaola, Makarov eta Martiarena berdinduta, sailkapenaren buruan

Ezin estuagoa dago lehia, Her­naniko Xake Txapelketan. Hiru jardunaldi falta dira, eta hiru lagun daude berdinduta, sailkapenaren buruan: Eneko Mar­tiarena, Evgeny Makarov eta Udo Esnaola, 3,5 punturekin.
Hiruek irabazi dituzte bera­ien partidak, joan den asteburuan. Haien atzetik dago Edu Sanz, 3 punturekin; eta ez dau­de urruti beste zazpi lagun ere, 2,5 punturekin: Oxan Altuna, Iña­ki Erdozio, Joxe Ramon Al­tu­na, Xer­pa, Beñat Murua, Jo­se­ba Goikoetxea eta Mikel Zubia.

Martiarenak irabazi zion Erdoziori, herenegun jokatutako partidan; Esnaolak Oxani; eta Makarovek Altunari. Edu Sanzek Jose Mari Berrotaran menderatu zuen, Mikel Zubiak Beñat De­ve­sa, eta Joseba Goi­ko­etxeak Ekaitz Devesa. Gai­ne­rako partidetan, berriz, Beñat Mu­ru­ak Eli Agirreri irabazi zion, Ibon Ramosek Juan Carlos Itu­rral­de­­ri, Javier Burgosek Jose Gon­za­lezi, Jon Sagarnak Alain Gon­zalezi, Iñaki Arrietak Mer­txe Egizuraini, eta Peru Do­min­­guezek Ekain Estefanori. Atse­dena eskatua zeukaten Mai­tane Otaoleak eta Xerpak, eta pun­tu erdia eskuratu zuten.

Partida garrantzitsuak, datorren igandean

Emaitza horiekin, eta sailkapena zeinen estu dagoen ikusita, garrantzitsuak izango dira datorren igandeko partidak, arratsaldeko 16:00etan hasita, Kixkal tabernan. Bosgarren jar­dunaldia izango da jokoan.

Joko sistema suitzarra dela eta, elkarren kontra ariko dira, puntu gehien dauzkaten xakelariak. Horrela, Esnaolak eta Martiarenak jokatuko dute par­tida nagusia, eta Oxanen kontra ariko da Makarov, beste li­derra. Honakoak dira, gainerako zortzi partidak: Erdozio eta Sanz; Altuna eta Zubia; Murua eta Xerpa; Berrotaran eta Goi­ko­etxea; Ramos eta Burgos; Do­minguez eta Sagarna; Ekaitz Devesa eta Agirre; Otaolea eta Arrieta; Beñat Devesa eta Este­fano; eta Jose Gonzalez eta Alain Gonzalez. Oraingoan, Itu­rraldek eta Egizurainek eskatu dute atsedena.