Gipuzkoako Foru Aldundiaren Gipuzkoa Argitu ekimenaren barruan, hitzaldia eskainiko dute gaur, argindarraren kontsumoaren inguruan. Argindarraren kontsumoen informazio egokia eskuratu eta kontrolatzeko saio praktikoa izenburupean, arratsaldeko 18:00etan hasita izango da, Biteriko KZ Gunean. Aurretik izena eman behar zen.
Energia berriztagarriez, hilaren 25ean
Gaurkoan dagoeneko herritarrek ezin dute izenik eman, baina bai, ordea, aurrerago izango den beste tailer batean.
Etxebizitzetan energia berriztagarriak ezartzeko saio praktikoa izenburupean, Gipuzkoa Argitu sortako 4. tailerra da, eta lehenengo aldiz eskainiko dute Hernanin. Hain zuzen, hilaren 25ean izango da, arratsaldeko 18:00etan, Biterin.
Energia berriztagarrien inguruko araudia aldatu berri da, eta ondorioz, etxebizitzetan edota etxeebizitza-blokeetan horiek ezartzea errazagoa da. Hori nola egin azalduko dute, saio praktikoan.
Interesa daukanak, hilaren 22ra arte dauka aukera izena emateko: oihane@izadi21.eus edo 686 427 565.