Jardunaldi Antierrepresiboak antolatu dituzte Urumea eraikinean, gaur hasita. Lehenengo zatian Herrialde Katalanetan jarriko dute fokoa. Gaur, Terrasako Bruna Serra izango da Kataluniako egoera politikoaz hitz egingo duena, begirada feminista kontuan hartuta. Arratsaldeko 19:00etan hasiko da azaltzen, Katalunian nola antolatu diren eta emakumearen papera zein izan den.
Bihar, asteartea, Errepresioa herrialde Katalanetan: Procesetik haratago hitzaldia eskainiko du, 18:30etan, Askapeneko kide den Izaskun Goienetxek. Errepresio desberdinetaz ariko da hizketan.
Bestalde, astea amaitzeko PM 2.5, Thailandiako egoera politikoaren inguruko proiekzio proiektua aurkeztuko da Herrigunean, ostiralean hasi, azaroak 15, eta igandera arte. Ostiralean 18:00etan hasiko dira proiekzioak, eta larunbata eta igandean, 10:00etan eta 21:00etan.