Udalak asfaltatze lanak hasiko ditu Izpizua kalean. Lan horiek bihar eta etzi -hilak 11 eta 12- egitea aurreikusten da. Horiek direla eta, kale hori hustu behar da eta aparkalekuek libre egon behar dute bihar 08:00etarako. Horrekin batera, trafikoari itxita egongo da kalea bi egun horietan. Bi alternatiba egongo dira: Agustindarren plazari buelta ematea eta Elkano kaletik gora egitea.
Izpizua kalean dauden garajeetara sartu ahalko da, baina asfaltatze lanak gelditu behar dituztenez, beharbada itxaron beharko dute erabiltzaileek.