Gaur arratsaldeko 16:00etan, Hernanik VRAC taldearen aurka jokatuko du, eta herriaren laguntza beharko dute hernaniar gazteek, sailkapenean lehenengo postuan dijoan taldearen aurka baita gaurko partidua.
VRAC taldea, aipatu moduan, aurrenekoa dijoa sailkapenean 29 punturekin eta Hernani azken postuan dago, 3 punturekin.
Aurreko partiduan, ia garaipena
Aurreko astean, sailkapeneko hirugarren taldearen aurka jokatu zuen Hernanik, eta garaipena ez zuen urruti izan. Hala ere, 36 eta 25eko emaitzak denboraldiko zazpigarren porrota ekarri zuen.
Gaurkoan, indarrez beteta daude hernaniar gazteak, eta gaurko partiduan dena emango dute, herritarren laguntzarekin. Beraz, Hernaniko errugbi taldeak, arratsaldeko 16:00etan Landarera jeisteko deia egiten du, taldeak etxekoen bultzada behar baitu.
Landarbasok etxetik kanpo jokatuko du bihar, Gaztediren kontra, denboraldi hasierako partidu erabakigarrietakoa.
Landarbaso Gasteizera bihar, beharrezkoa den garaipenaren bila
Euskal Ligan, bestalde, emakumezkoen Landarbaso taldeak etxetik kanpo jokatuko du asteburuko jardunaldia. Bihar izango da, goizeko 11:00etan hasita, Gamarran, Gasteizko Gaztedi taldearen kontra.
Partidu erabakigarria izango da hau neskentzat. Izan ere, Gaztedi da aurkari zuzenetako bat, Uni Bilbao edota Bera Bera bezalaxe. Gasteiztarrak sailkapenean 6garren postuan daude, Landarbaso baino bat beherago, eta puntu bakarreko aldearekin: 9 dauzkate haiek, eta 10, Landarbasok. Aurreneko buelta honetan bosgarren postu horri eustea izango dute helburu gipuzkoarren taldeko jokalariek. Bide onean ari da taldea.