behobia-donostia lasterketa

Modesto Makazaga hernaniarra gogoan, Behobiaren 100garrenean

Iñaxi Agirre, Makazagaren errainak jaso zuen atzo, garaikurra.

1919ko aurreneko Behobia-Donostia lasterketan bigarren izan zen Pipiritakoa. Bihar 181 hernaniar eta 116 astigartar aterako dira.

Behobia-Donostia lasterketak 100 urte bete ditu aurten. Bihar egingo da lasterketa, eta bertan ez da Urumea bailarako korrikalaririk faltako, ohi be­za­la. Goizeko 09:45etan aterako dira aurreneko parte-hartzaileak, gurpildun aulkian, eta 09:50etan patinatzaileak. On­doren, 10:10etatik aurrera hasiko dira korrikalariak.

Parte-hartzaile horiek guztien artean, 184 hernaniarrak izango dira, eta beste 116 astigartarrak. Kronikak, urtero bezala deialdia egin du bailarako korrikalariekin argazkia ateratzeko. Bihar, goizeko 07:50etan egingo da argazkia, Hernaniko atletismo pistaren ondoan, Behobiarako autobusa hartu aurretik. 


Aurreneko hernaniarra, Modesto Makazaga

Aurten 100 urte egin ditu lasterketak, eta omenaldia egin zitzaien atzo Donostiako Uda­lean, esanguratsuak izan diren parte-hartzaileei.
Horien artean, Modesto Ma­ka­zaga, Pipiritakoa omendu zen. Her­naniarrak aurreneko Beho­bian hartu zuen parte, 1919an, eta bigarren izan zen, Juan Mugertzarengandik 22 segundora. Haren errainak, Iñaxi Agirrek jaso zuen garaikurra, eta bihar, birlobak moztuko du zinta.