Hernaniko Udal Euskaltegiak, berriro antolatu du Mintzodromoa, eta hilaren 28an egingo da. Aurretik izena eman behar da eta apuntatzeko epeak hilaren 22 arte iraungo du.
Helburuak, helburu
Giro paregabeaz gozatzeko aukeraz gain, hainbat helburu ditu mitzadromoak, hala nola, euskara ikasten ari direnak euskaraz hitz egitera animatzea, euskaraz jakin arren, euskaraz aritzeko aukera gutxi dutenei aukera ematea, euskalduna izan arren, ohituraz euskaraz gutxi egiten duenari motibazioa piztea, eta beste hainbat. «Azken batean elkarrekin euskaraz aritzea» adierazi dute Mintzadromokoek.
Aurten ere, Biterin izango da eta bi saio eskainiko dira, bat goizeko 10:00etan eta bestea arrratsaldeko 19:00etan.
Nola eman izena
Izena emateko, Hernaniko Udal Euskaltegiko telefonora deitu (943 33 18 96), edo euskaltegia@hernani.eus helbidera idatzi.