Santa zezilia eguna ospatzeko, Hernaniko Musika Bandak kontzertua emango du azaroaren 16an, arratsaldeko 17:30etan udaletxeko arkupeetan.
8 kide berri, aurten
Iaz 9 gazte hasi ziren bandarekin elkarlanean, eta ikasturte honetan 8 musika-ikasle gehiagoren lankidetza izango du Bandak. Andoain, Donostia, Hernani eta inguruko neska-mutilak dira eta 14-16 urte bitarte dituzte. Gehienek Donostian egin dituzte musika ikasketak eta beren «musika maila hobetzeko» irrikitan daude.
Musikarien eguna ospatzeko eskaintzen duten kontzertua, Bandarentzat urteko kontzertu garrantzitsuena dela azaldu dute, eta hortaz, emanaldi hori baliatu nahi dute kide berriei eta baita betiko entzuleei Bandaren eskerrik onenak adierazteko.